A-
 A 
A+
http://quran.uz/components/com_gk2_photoslide/images/thumbm/351248quran_01.jpg
http://quran.uz/components/com_gk2_photoslide/images/thumbm/346660quran_02.jpg
http://quran.uz/components/com_gk2_photoslide/images/thumbm/879979538183904.jpg
thumbnailthumbnailthumbnail
http://quran.uz/components/com_gk2_photoslide/images/thumbm/802534ssssss.jpg
http://quran.uz/components/com_gk2_photoslide/images/thumbm/446341Banner_1.jpg
http://quran.uz/components/com_gk2_photoslide/images/thumbm/171121Banner_8.jpg
thumbnailthumbnailthumbnail
Аҳмад ал-Ажмий
PDF Босма E-mail

Аҳмад Али ал-Ажмий Саудия Арабистонининг Шарқидаги Хубар ҳудудида таваллуд топган машҳур қорилардан биридир.

 

Асл исми Аҳмад бин Али бин Муҳаммад бин Сулаймон ал-Ажмий бўлиб, у 1968 йилнинг 24 февралида таваллуд топган. Аҳмад ал-Ажмий Хубарнинг Жанубидаги Муҳаммадия мадрасасининг бошланғич босқичини тугатгач, ўрта босқични Зубайр бин Аввом (розияллоҳу анҳу) номли мактабда давом этказди. «Имом Муҳаммад ибн Сауд» дорулфунунининг фиқх куллиётини тамомлагач, Аҳмад ал-Ажмий Покистонга борди. Покистоннинг Лохур шаҳрида «Қуръоннинг тафсир ва таҳлили» соҳасида  магистратура, кейин эса докторлик диссертацияларини ҳимоя қилди.
У биринчи марта 1984 (хижрий 1404) йили Муғийра бин Шуъба (розияллоҳу анҳу) масжидида имомликка ўтган. Кейин эса 1985 йили ўз шаҳри бўлмиш Хубарнинг марказий жомеъ-масжидида имомлик қилган.
1992 йили эса Хубардаги  ал-Амир Муҳаммад бин Фатх масжидига, кейин эса Райён масжидига имом этиб тайинланган.
Ҳозирда у Жидда шаҳридаги жомеъ-масжидларнинг бирида имомлик вазифасида фаолият юритиб келмоқда.
Аҳмад ал-Ажмий томонидан кўплаб Қуръон тиловатлари ёзиб олинган. Бундан ташқари,  радио ва теле-эфирларда ҳам чиқиб туради.
У кўплаб маъруза ва теле-дастурларни ҳам олиб боради. Уларда Ислом динига оид бўлган муҳим мавзулар ёритилиб борилади.
Аҳмад ал-Ажмий чиройли нашидлари билан ҳам кўпчиликка танилган.
У оилали, 6 фарзанднинг отаси.
Фарзандлари: Абдуллоҳ, Умар, Фотима, Maрям, Мувдий ва Абдур Роҳман.
Айни дамда у ўз оиласи билан Саудия Арабистони ҳудудида, Хубар шаҳри яқинидаги ал-Уркобия шаҳарчасида истиқомат қилади.

 

Энг ожиз банда тайёрлаган